თბილისის ინფექციურ საავადმყოფოში სულ 56 კოვიდინფიცირებული განაგრძობს მკურნალობას. მათგან ერთ-ერთის, 80 წელს გადაცილებული პაციენტის მდგომარეობა კრიტიკულია.
რესპუბლიკურ კლინიკაში ამ დროისთვის კორონავირუსით ინფიცირებული 40 პაციენტი მკურნალობს. კლინიკაში 3 პაციენტის ანალიზის პასუხს დღეს ელოდებიან.
საუნივერსიტეტო კლინიკაში 70 ინფიცირებულია, მათგან 8 პაციენტი რეანიმაციულ განყოფილებაშია მოთავსებული. რაც შეეხება ბოჭორიშვილის კლინიკას, იქ 69 კოვიდინფიცირებული მკურნალობს.
საქართველოში კორონავირუსი 589 ადამიანს დაუდასტურდა, აქედან 223 ადამიანი უკვე გამოჯანმრთელდა. გარდაიცვალა 9 პაციენტი.
ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი – საყოველთაო კარანტინის რეჟიმი.